ئامانجه‌كانی كۆنفرانس
برەودان بە كولتووری توێژینەوەی فرەپسپۆڕیی نێوان زانستەكانی میدیا و یاسا.
خستنەڕووی تێزە نوێكانی بەرەنگاربوونەوەی هزری ناتوندووتیژیی و هەژموونی دیجیتاڵیی.
ئاڵوگۆڕكردنی زانیاریی و بۆچوون و بیرۆكە و ئەزموون و شارەزایی و كارامەیی توێژەرانی میدیایی و یاسایی.
تاووتوێكردنی پەرەسەندنە خێراكانی تەكنۆلۆژیای پەیوەندییكردن و كاریگەرییەكانی لەسەر تاك و كۆمەڵگە.
ورووژاندنی رایگشتیی لەسەر باش-بەكارهێنانی خزمەتگوزارییەكانی میدیای دیجیتاڵیی و تۆڕە كۆمەڵایەتییەكان.
هەڵسەنگاندنی ئاست و ئاڕاستە نوێكانی مامەڵەی میدیایی و یاسایی لەگەڵ دیاردە و دەركەوتەكانی گوتاری رق و كینە، هەڵمەتەكانی شێواندن و ساختەكردنی وێنە و ڤیدیۆ و زانیاریی.
گەنگەشەكردنی گەشەسەندنی میدیایی و یاسایی و كاریگەرییەكانیان لەسەر كولتوورەكانی رۆژنامەگەریی و دیجیتاڵیی و ئاشتەوایی كۆمەڵایەتیی.
هاندانی نێوەندە ئەكادیمییەكان لە دانانی پرۆگرامەكانی "پەروەردەی میدیایی" و "ئاسایشی میدیای دیجیتاڵیی" بۆ قۆناغەكانی خوێندن لە باخچەی ساوایانەوە تا پێش چوونە زانكۆ.
راڤەكردنی دەرفەت و ئاڵنگارییەكانی میدیای دیجیتاڵیی لە وڵاتانی پاش-ململانێ و راگوزەری دیمووكراسییدا؛ بەتایبەت لە رووی ميديايی، یاسایی و تەكنیكی-ەوە.
دۆزینەوەی خاڵی هاوبەشی كاركردنی نێوان دامەزاوە ئەكادیمیی و پیشەییەكان و رێكخراوە ناحكوومییەكان لە پاراستنی ئاسایشی دیجیتاڵییدا.
شرۆڤەكردنی هەڵوێستی یاسای نێوخۆیی و نێودەوڵەتیی لەسەر گەشەسەندنی میدیای دیجیتاڵیی.